Մագնուս Կարլսենը կրկնեց անպարտելի շարքի ռեկորդը՝ 110 պարտիա
14:27 14 հունվարի, 2020Շախմատի աշխարհի չեմպիոն Մագնուս Կարլսենը կրկնել է անպարտելի շարքի ռեկորդը դասական շախմատում, հաղորդում է NRK-ն։ Նորվեգացի գրոսմայստերը չի պարտվում արդեն 110 պարտիայում անընդմեջ։
Չինացի Դին Լիրենին պատկանած պաշտոնական ռեկորդը (101 պարտիա) Կարլսենը գերազանցել էր 2019թ․ հոկտեմբերին։ Սակայն ոչ պաշտոնական ռեկորդը պատկանում է Հոլանդիան ներկայացնող Սերգեյ Տիվյակովին ու խորվաթ Բոգդան Լալիչին՝ 110-ական պարտիա առանց պարտության։
29-ամյա Կարլսենն այժմ մասնակցում է Հոլանդիայի Վեյկ Ան Զեե քաղաքում անցկացվող ավանդական մրցաշարին եւ առաջին երեք տուրերում ոչ ոքի է խաղացել հոլանդացի Անիշ Գիրիի, չինացի Յանջի Յուի եւ ամերիկացի Ջեֆրի Սյոնի հետ։ Չորրորդ տուրում հոլանդացի Յորդեն վան Ֆորեստին չպարտվելու դեպքում Կարլսենը կդառնա միանձնյա ռեկորդակիր։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։