Քիչ առաջ հայտնի դարձավ, որ Հայաստանի հավաքականի վինգեր Կամո Հովհանիսյանը տեղափոխվել է ղազախական «Կայրաթ»:
NEWS.am Sport-ի թղթակցի հետ զրույցում 27-ամյա ֆուտբոլիստը պատմել է տեղափոխության մասին:
«Տեղափոխվեցի «Կայրաթ», քանի որ այս ակումբը պատվախնդիր ծրագրեր ունի և ամենաշատն էր ինձ ուզում տեսնել իր կազմում:
Արդեն զրուցել եմ նաև «Կայրաթի» գլխավոր մարզիչ Ալեքսանդր Շպիլևսկու հետ, որը 30 տարեկանում դարձել էր Ղազախստանի առաջնության ամենաերիտասարդ մարզիչը: Բելառուս մասնագետն իմ տեղափոխության գլխավոր նախաձեռնողներից էր»,- նշեց Հովհաննիսյանը:
Կամո Հովհաննիսյանի նախորդ ակումբը ղազախական «Ժետիսուն» էր, որի կազմում նա ընդհանուր առմամբ անցկացրեց 58 հանդիպում` դառնալով 6 գոլի և 7 արդյունավետ փոխանցման հեղինակ:
Սամվել Սուքիասյան
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։