«Արարատի» ղեկավարը Բրազիլիայում դիտարկում է հնարավոր նորեկների

«Արարատը» մտադիր է ձմեռային տրանսֆերային պատուհանի ընթացքում որակապես ամրացնել կազմը։

NEWS.am Sport-ին հայտնի դարձավ, որ երեւանյան ակումբի ղեկավար Վալերի Հովհաննիսյանն այս օրերին գտնվում է Բրազիլիայում եւ դիտարկում հնարավոր նորեկների թիմի համար։

«Արարատի» գլխավոր մարզիչի պաշտոնում նշանակված ռուսաստանցի Իգոր Կոլիվանովի նախաձեռնությամբ էլ թիմը կհամալրեն նաեւ փորձառու խաղացողներ Ռուսաստանից։

Ռուսաստանցի մասնագետի շտաբում կլինի նաեւ «Ուֆայի» եւ Ռուսաստանի պատանեկան ու երիտասարդական հավաքականների նախկին մարզիչ Վիկտոր Լոսեւը։

NEWS.am Sport-ի տվյալներով, երեւանյան ակումբը ձմռանը կանցկացնի երկու հավաք՝ Սոչիում եւ Կիպրոսում։

Սամվել Սուքիասյան