«Ռոման» պարտվեց, Մխիթարյանը դուրս եկավ փոխարինման (տեսանյութ)

Իտալիայի առաջնության 18-րդ տուրում «Ռոման» ընդունեց «Տորինոյին» եւ պարտություն կրեց 0։2 հաշվով։

Առաջին խաղակեսի ավելացված ժամանակում հյուրերը բացեցին հաշիվը իտալացի հարձակվող Անդրեա Բելոտիի գեղեցիկ գոլի շնորհիվ։

Հայաստանի հավաքականի եւ «Ռոմայի» կիսապաշտպան Հենրիխ Մխիթարյանը փոխարինման դուրս եկավ 63-րդ րոպեին։

85-րդ րոպեին VAR-ի օգնությամբ մրցավարն արձանագրեց ձեռքով խաղ «Ռոմայի» անգլիացի պաշտպան Կրիս Սմոլինգի կողմից սեփական տուգանային հրապարակում։ 11 մետրանոցը դիպուկ իրացրեց Բելոտին՝ դառնալով դուբլի հեղինակ։

«Ռոման» 35 միավորով չորրորդ տեղում է, «Տորինոն» 24 միավորով 9-րդն է։

Իտալիայի առաջնություն, 18-րդ տուր

«Ռոմա» - «Տորինո»՝ 0։2 (տեսանյութ)

Անդրեա Բելոտի, 45+2, 85