Ռոման Բերեզովսկին՝ «Փյունիկում» իր ծրագրերի մասին
14:24 1 հունվարի, 2020Ռուսական «Սոչիի» մարզչական շտաբից հեռացած Հայաստանի հավաքականի լեգենդար դարպասապահ, ազգային թիմի դարպասապահների մարզիչ Ռոման Բերեզովսկին կզբաղեցնի Երեւանի «Փյունիկի» գլխավոր մարզիչի պաշտոնը։
NEWS.am Sport-ի թղթակցի հետ զրույցում 45-ամյա մասնագետը պատմել է իր ծրագրերի մասին երեւանյան ակումբում։
«Համաձայնության հասանք «Փյունիկի» հետ։ Շուտով կլինեմ Երեւանում, կսկսենք պատրաստվել մրցաշրջանի երկրորդ կեսին։ Առջեւում շատ կարեւոր 3 խաղ ունենք։ Կտրամադրվենք վճռական հանդիպումներին։ Հույս ունենք, որ կկարողանանք հաջող անցկացնել այդ հանդիպումները եւ կլինենք Բարձրագույն խմբի լավագույն 6 թիմերի թվում։
Անցկացնում ենք սելեկցիոն աշխատանք։ Ձմռանը կանցկացնենք 3 մարզումային հավաք։ Դրանցից մեկը կլինի Հայաստանում, երկուսը՝ Թուրքիայում։
Օգտվելով առիթից՝ ցանկանում եմ բոլորին շնորհավորել Նոր տարվա կապակցությամբ, մաղթել երջանկություն, առողջություն, ընտանեկան բարեկեցություն, եւ 2020 թվականին բոլոր ցանկությունների իրագործում»,- նշեց Ռոման Բերեզովսկին։
Հիշեցնենք, որ Բերեզովսկու ղեկավարությամբ «Սոչին» երկու հանդիպում անցկացրեց Ռուսաստանի առաջնությունում՝ 1։1 հաշվով ավարտելով պայքարը «Ուֆայի» եւ «Ռուբինի» հետ։
«Փյունիկի» գլխավոր մարզիչի պաշտոնակատարը Սուրեն Չախալյանն է։
Սամվել Սուքիասյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.