Մագնուս Կարլսենը՝ կայծակնային խաղի աշխարհի չեմպիոն. Արոնյանը բաժանեց 6-19-րդ տեղերը
20:38 30 դեկտեմբերի, 2019Մոսկվայում դեկտեմբերի 30-ին ավարտվեց կայծակնային շախմատի աշխարհի առաջնությունը: Աշխարհի չեմպիոն, նորվեգացի Մագնուս Կարլսենը երրորդ տարին անընդմեջ հռչակվեց մրցաշարի չեմպիոն:
Մրցաշարի 21 տուրերից հետո Մագնուս Կարլսենն ու ամերիկացի Հիկարու Նակամուրան ունեին հավասար միավորներ (16.5) և հաղթողին պարզեցին թայ-բրեյքում: Առաջին խաղում գրանցվեց ոչ ոքի, իսկ երկրորդ խաղում Կարլսենը սպիտակներով 30-րդ քայլում հաղթեց Նակամուրային:
Հայկական շախմատի առաջատար Լևոն Արոնյանը կայծակնային շախմատի աշխարհի առաջնությունում վաստակեց 13.5 միավոր և բաժանեց 6-19-րդ տեղերը:
Հայաստանի մյուս ներկայացուցիչներ Հրանտ Մելքումյանը վաստակեց 12, Գաբրիել Սարգսյանը, Տիգրան Պետրոսյանը՝ 11, Զավեն Անդրիասյանը, Արման Փաշիկյանը՝ 10.5, Մանուել Պետրոսյանը՝ 9.5 միավոր:
Հիշեցնենք, որ Մագնուս Կարլսենը չեմպիոն էր հռչակվել նաև արագ շախմատի աշխարհի առաջնությունում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։