#SportLifeVlog. Տարվա գլխավոր մրցումների ամփոփումն ու հայկական սպորտի սկանդալները
09:06 30 դեկտեմբերի, 2019NEWS.am Sport-ը նախաօլիմպիական տարում սկսեց հայկական սպորտի մասին պատմող #SportLifeVlog-ը Լուսինե Շահբազյանի հետ:
Մեկ տարվա ընթացքում վլոգը ներկայացրեց մրցաշրջան-2019-ի ամենահետաքրքիր, կարեւոր իրադարձությունները, Եվրոպայի, աշխարհի առաջնություններում, միջազգային մրցաշարերում հայ մարզիկների հաջողություններն ու պարտությունները:
Լուսինե Շահբազյանը մրցավայրից մեկնաբանեց եւ լուսաբանեց Բաթումիում անցկացված ծանրամարտի Եվրոպայի առաջնությունը եւ ըմբշամարտի աշխարհի առաջնությունը՝ Նուրսուլթանում:
#SportLifeVlog-ն անդրադարձավ նաեւ հայկական սպորտում տեղի ունեցած տարաձայնություններին, տարբեր մարզաձեւերում մարզիչ - մարզիկ խնդիրներին, ՀԱՕԿ - ՀԲՖ դեռ շարունակվող «պատերազմին», Լեւոն Ջուլֆալակյան - Միհրան Հարությունյան «հակամարտությանն» ու Լեւոն Ջուլֆալակյանի մեծ աղմուկ հանած հրաժարականին:
#SportLifeVlog-ի ամանորյա թողարկմանը Լուսինե Շահբազյանն ամփոփում է մրցաշրջան-2019-ը:
Առջեւում օլիմպիական տարին է: #SportLifeVlog-ը կներկայացնի օլիմպիական տարվա կարեւոր իրադարձություններն ու Օլիմպիական խաղերը, որը տեղի է ունենալու Ճապոնիայի մայրաքաղաք Տոկիոյում հուլիսի 24-ից օգոստոսի 9-ը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։