Անգլիայի առաջնության 20-րդ տուրում առաջատար «Լիվերպուլն» ընդունեց «Վուլվերհեմփթոնին»։ Գերմանացի Յուրգեն Կլոպի գլխավորած թիմն առավելության հասավ նվազագույն հաշվով։
42-րդ րոպեին սենեգալցի հարձակվող Սադիո Մանեն օգտվեց անգլիացի կիսապաշտպան Ադամ Լալանայի փոխանցումից եւ գրավեց հյուրերի դարպասը։
Առաջին խաղակեսի ավելացված ժամանակում «Վուլվերհեմփթոնը» գրավեց մրցակցի դարպասը, սակայն VAR-ը գրանցեց խաղից դուրս վիճակ եւ պորտուգալացի հարձակվող Պեդրու Նետուի խփած գոլը չգրանցվեց։
«Լիվերպուլը» 19 խաղում վաստակել է 55 միավոր եւ 13 միավոր առաջ է երկրորդ տեղում ընթացող «Լեսթերից», որն անցկացրել է 20 հանդիպում։ «Վուլվերհեմփթոնը» 30 միավորով 8-րդ տեղում է։
Անգլիայի առաջնություն, 20-րդ տուր
«Լիվերպուլ» - «Վուլվերհեմփթոն»՝ 1։0 (տեսանյութ)
Սադիո Մանե, 42
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։