Արթուր Դանիելյանը Ռուսաստանի հավաքականի կազմում կմասնակցի Եվրոպայի առաջնությանը

13:14   29 դեկտեմբերի, 2019

Վոլգոգրադցի Արթուր Դանիելյանն առաջին անգամ ընդգրկվել է գեղասահքի մեծահասակների Ռուսաստանի հավաքականի կազմում եւ կմասնակցի Եվրոպայի առաջնությանը։ 16-ամյա մարզիկը Կրասնոյարսկում անցկացված Ռուսաստանի առաջնությունում առաջին անգամ գրավել էր երկրորդ տեղը։ Թիմում են նաեւ չեմպիոն դարձած Դմիտրի Ալիեւը եւ բրոնզե մեդալակիր Ալեքսանդր Սամարինը։

«Ռուսաստանի հավաքականի կազմը ձեւավորվել է զուտ մարզական սկզբունքով՝ Ռուսաստանի առաջնության արդյունքներով»,- նշել է Ռուսաստանի գեղասահքի ֆեդերացիայի նախագահ Ալեքսանդր Գորշկովը, փոխանցում է ֆեդերացիայի կայքը։

Եվրոպայի առաջնությունը կանցկացվի հունվարի 20-26-ը Ավստրիայի Գրաց քաղաքում։

Արթուր Դանիելյանը դեկտեմբերի 17-ին է նշել 16-ամյակը։ Անցած տարի նա մասնակցել է աշխարհի երիտասարդական առաջնությանը եւ դարձել արծաթե մեդալակիր։ Այժմ Արթուր Դանիելյանը մարզվում է Մոսկվայի ԲԿՄԱ-ում։ Գեղասահքով զբաղվում է 5 տարեկանից։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։