Ռոման Բերեզովսկի․ Ունեմ առաջարկներ հայկական ակումբներից
10:28 29 դեկտեմբերի, 2019«Սոչիի» եւ Հայաստանի հավաքականի դարպասապահների մարզիչ, այս տարվա վերջին հանդիպումներում ռուսական ակումբի գլխավոր մարզիչի պարտականությունները կատարած Ռոման Բերեզովսկին հնարավոր է կարիերան շարունակի Հայաստանի առաջնությունում։ Այդ մասին 45-ամյա մասնագետը հայտնել է NEWS.am Sport-ի թղթակցի հետ զրույցում։
«Այո, ես ունեմ առաջարկներ հայկական ակումբներից։ Եթե վերադառնամ տուն, որտեղ սկսվել է իմ ֆուտբոլային կարիերան, ապա ավելի մոտ կլինեմ հավաքականին, ինչը շատ կարեւոր է։ Հնարավոր է՝ հենց այդպես էլ տեղի ունենա»,- նշեց լեգենդար դարպասապահը։
Հիշեցնենք, որ Բերեզովսկու ղեկավարությամբ «Սոչին» Ռուսաստանի առաջնությունում անցկացրեց երկու հանդիպում՝ «Ուֆայի» եւ «Ռուբինի» հետ։ Երկու խաղերում էլ գրանցվեց նույն հաշիվը՝ 1։1։
Սամվել Սուքիասյան
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։