Կարլսենն՝ արագ շախմատի աշխարհի չեմպիոն, Արոնյանը 5-րդն է (ֆոտո)
22:48 28 դեկտեմբերի, 2019Դասական շախմատի աշխարհի չեմպիոն Մագնուս Կարլսենի հաղթանակով ավարտվեց Մոսկվայում անցկացված արագ շախմատի աշխարհի առաջնությունը։ Նորվեգացի գրոսմայստերը 15 հնարավորից վաստակեց 11,5 միավոր եւ երրորդ անգամ նվաճեց արագ շախմատի չեմպիոնի տիտղոսը։ Նա նաեւ կայծակնային խաղի աշխարհի քառակի չեմպիոն է։
Հայկական շախմատի առաջատար Լեւոն Արոնյանը 10 միավորով գրավեց 5-րդ տեղը։ Այս մրցաշարում Արոնյանը պարտվեց միայն Կարլսենին, որի հետ մրցեց 12-րդ տուրում։ Երրորդ մրցումային օրվա մյուս չորս պարտիաներում Արոնյանը պարտության մատնեց վիետնամցի Լե Կուանգ Լիեմին, հնդիկ Սուրիա Գանգուլիին, ոչ ոքի խաղաց չինացի Հաո Վանի եւ իսպանացի Դավիդ Անտոնի հետ։
Հայաստանի մյուս ներկայացուցիչներից Հրանտ Մելքումյանը 9,5 միավորով գրավեց 18-րդ տեղը, Գաբրիել Սարգսյանը վաստակեց 8,5 միավոր եւ 54-րդն է, Զավեն Անդրիասյանը 8 միավորով 71-րդն է, Մանուել Պետրոսյանը 8 միավորով զբաղեցրեց 75-րդ, Արման Փաշիկյանը 7,5 միավորով 108-րդն է, Տիգրան Պետրոսյանը 6,5 միավորով 161-րդն է։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.