Կլոպ. Չեմ կարծում, թե կարող ենք կրկնել «Արսենալի» ցուցանիշը

Անգլիայի փոխչեմպիոն «Լիվերպուլի» գլխավոր մարզիչ Յուրգեն Կլոպը չի կարծում, թե «Լիվերպուլը» կարող է կրկնել Պրեմյեր լիգայում «Արսենալի» անպարտելի հանդիպումների ցուցանիշը:

«Ես լավատեսորեն եմ տրամադրված և գոհ եմ այս մրցաշրջանում իմ թիմի մրցելույթներից, սակայն այս պահին պետք չէ մտածել «Արսենալի» ցուցանիշը կրկնելու մասին: Ես չեմ կարծում, թե մենք կարող ենք դա անել»,- Կլոպի խոսքը մեջբերում է Goal.com-ը:

Հիշեցնենք, որ Պրեմյեր լիգայում ամենաշատ թվով անպարտելի հանդիպումներ անցկացրել է «Արսենալը»՝ 49 հանդիպում: «Լիվերպուլը» «Լեսթերի» դեմ խաղում 35-րդ անպարտելի հանդիպումն անցկացրեց Պրեմյեր լիգայում: