Լեմպարդ. Պետք է դասեր քաղենք սխալներից և շարժվենք առաջ

Լոնդոնի «Չելսիի» գլխավոր մարզիչ Ֆրենկ Լեմպարդը Պրեմյեր լիգայի 19-րդ տուրում «Սաութհեմփթոնին» պարտվելուց հետո հայտարարել է, որ դժգոհ է իր ֆուտբոլիստների ցուցադրած խաղից:

«Մենք պարտվեցինք և այդ պարտության պատճառները պետք է փնտրենք մեր խաղում: «Չելսին» մի քանի հնարավորություն ստեղծեց, սակայն չկարողացավ եզրափակել դրանք:

Պետք է դասեր քաղենք սխալներից և շարժվենք առաջ: Վստահ եմ, որ առաջիկա հանդիպումներում մենք ավելի լավ խաղ կցուցադրենք»,- Լեմպարդի խոսքը փոխանցում է «Չելսիի» մամուլի ծառայությունը:

Հիշեցնենք, որ «Չելսին» տնային խաղում 0:2 հաշվով պարտվեց «Սաութհեմփթոնին» և այժմ 32 միավորով մրցաշարային աղյուսակի չորրորդ տեղում է: