Հայաստանի ազգային հավաքականի և ղազախական «Կայսարի» հարձակվող Տիգրան Բարսեղյանը մարզական կարիերան կշարունակի ղազախական «Աստանայում», տեղեկացնում է Vesti.kz-ը:
«Կայսարում» Բարսեղյանի ակումբակից Բրատիսլավ Պունոշևացը հրապարակում է կատարել Ինստագրամի իր պաշտոնական էջում և հաջողություն մաղթել Տիգրան Բարսեղյանին իր նոր ակումբում:
«Շնորհավորում եմ, եղբայր: Հաճելի էր քեզ հետ նույն ակումբում խաղալը: Այժմ հաջողություն եմ ցանկանում քեզ «Աստանայում»»,- հրապարակմանը կից գրել է Պունոշևացը:
Տիգրան Բարսեղյանը «Կայսարի» հետ անցկացրեց մեկ մրցաշրջան՝ դառնալով Ղազախստանի գավաթակիր։ Ղազախստանի առաջնությունում Տիգրան Բարսեղյանը խփեց 12 գոլ՝ դառնալով թիմի լավագույն ռմբարկուն։
Ավելի վաղ հայտնել էինք, որ 26-ամյա ֆուտբոլիստի ծառայություններով հետաքրքրվում են նաեւ հունական ԱԵԿ-ը և ամերիկյան «Լոս Անջելես Գելաքսին»:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։