«Բոկա Խունիորսի» նախկին խաղացող․ Մեծ պատիվ կլիներ հրավերը Հայաստանի հավաքականից (ֆոտո)

09:09   27 դեկտեմբերի, 2019

2016 թվականին Բելառուսի «Բելշինայի» կազմը համալրեց արգենտինահայ կիսապաշտպան, «Բոկա Խունիորսի» սան Ֆակունդո Սամարյանը, որը բելառուսական թիմում անցկացրել է 10 հանդիպում՝ խփելով մեկ գոլ, կատարելով նույնքան գոլային փոխանցում։ 2016-ին խոսակցություններ եղան, որ Սամարյանի խաղին հետեւում է Հայաստանի մարզչական շտաբը։

Բելառուսից հեռանալուց հետո Սամարյանը հանդես է եկել արգենտինական ակումբներում, այդ թվում «Սենտրալ Նորտում»։

NEWS.am Sport-ի թղթակցի հետ զրույցում 24-ամյա ֆուտբոլիստը պատմել է «Բոկա Խունիորսի», Բելառուսում մրցելույթների, նաեւ հայական ակումբ եւ Հայաստանի ազգային հավաքականը համալրելու մեծ ցանկության մասին։

«Բոկա Խունիորս»՝ այլ աշխարհ

«Բոկա Խունիորսի» սան եմ, շատ տարիներ եմ անցկացրել այդ ակումբում՝ հանդես գալով պատանեկան եւ երիտասարդական թիմերում։ Սա այլ աշխարհ է, այդպիսի ֆուտբոլային մոտեցում այլ տեղ չեք տեսնի, դժվար է բառերով նկարագրել հույզերը։

Էլիտար արգենտինական դիվիզիոն՝ բարձր մակարդակի մրցաշար, շատ գերազանց թիմեր։ Այնտեղ դու պետք է 100 տոկոս դրսեւորվես ամեն մարզման ժամանակ։ Ստեղծված են բոլոր պայմաններն առաջընթացի համար։

Արտերկրում հանդես գալու փորձը

Ինձ առաջարկեցին տեղափոխվել «Բելշինա»՝ նոր թիմ, նոր երկիր, նոր առաջնություն։ Այդ ամենի մասին ոչինչ չգիտեի մինչեւ տեղափոխությունը։ Դա գերազանց փորձ էր՝ Բարձրագույն լիգայում պրոֆեսիոնալ ֆուտբոլիստի կարգավիճակում առաջին հանդիպումները։ Խաղացի շատ ուժեղ ֆուտբոլիստների հետ, նշանավոր մրցակիցների դեմ։

Հավաքականից հրավերը մեծ պատիվ է

Շատ կցանկանայի հրավեր ստանալ Հայաստանի հավաքականից։ Այդպիսի հնարավորությունը կլիներ մեծ պատիվ։ Ես հետաքրքրված եմ նաեւ Հայաստանի Բարձրագույն խմբի ակումբներից որեւէ մեկում հանդես գալու մեջ։

Սամվել Սուքիասյան



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։