Շախմատի աշխարհի չեմպիոն, նորվեգացի Մագնուս Կարլսենը դեկտեմբերի 26-ին Մոսկվայում մեկնարկելիք արագ և կայծակնային շախմատի աշխարհի առաջնությունից առաջ հայտարարել է, որ իր առաջ խնդիր է դրել հաղթանակ տանել այս առաջնությունում:
«Ինձ համար շատ դժվար է ասել, թե որ առաջնությունում հաղթելն է ամենակարևորը: Իմ առաջ միշտ խնդիր եմ դնում հաղթել, հաղթել բոլոր առաջնություններում, իսկ Մոսկվայում մեկնարկելիք առաջնությունը բացառություն չէ:
Մոսկվան ինձ դուր է գալիս: Նախորդ տարի արագ և կայծակնային շախմատի առաջնությունը տեղի ունեցավ Սանկտ Պետերբուրգում, որը ևս շատ գեղեցիկ քաղաք է: Եթե հաղթում ես, ապա հաղթանակի վայրը շատ հաճելի է դառնում»,- Կարլսենի խոսքը փոխանցում է ТАСС-ը:
Տեղեկացնենք, որ արագ և կայծակնային շախմատի աշխարհի առաջնությունը կանցկացվի դեկտեմբերի 26-ից 30-ը: Առաջնությանը կմասնակցի նաև հայկական շախմատի առաջատար Լևոն Արոնյանը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։