#Corner. ՀՖՖ նոր նախագահը, Ադամյանը հաղթեց «Բորուսիային», տարվա վերադարձը + մրցույթ
09:09 25 դեկտեմբերի, 2019NEWS.am Sport-ը ներկայացնում է #Corner Սամվել Սուքիասյանի հետ ֆուտբոլային նախագծի 58-րդ թողարկումը՝ նախորդ օրերին հայկական ֆուտբոլում տեղի ունեցած կարեւոր իրադարձությունների ամփոփմամբ։
Արմեն Մելիքբեկյանն ընտրվեց Հայաստանի ֆուտբոլի ֆեդերացիայի նախագահ։ #Corner-ը ներկայացնում է հետաքրիր ռեպորտաժ «դեպքի վայրից»։
#Corner-ը զրուցել է անգլիական «Բարնեթի» պատանեկան թիմերի մարզիչ Տիգրան Թադեւոսյանի հետ։ Երիտասարդ մասնագետն այցելել էր Երեւան մարզչական PRO արտոնագիր ստանալու նպատակով։
Սարգիս Ադամյանի գոլն ու գոլային փոխանցումը «Հոֆենհայմին» օգնեցին հաղթել Դորտմունդի «Բորուսիային» (2:1), Հենրիխ Մխիթարյանը գրավել է ՍՊԱԼ-ի դարպասը (3:1), տեղի է ունեցել Էդգար Բաբայանի հարսանիքը։
Մեր վարկածով «Տարվա վերադարձ» խորագրի հերոսն է Հայաստանի հավաքականի երկրպագուների ՖԱՖ շարժման ներկայացուցիչ Երվան Իսմաիլյանը, որը երկու ամիս Ֆինլանդիայում ազատազրկված լինելուց հետո վերադարձել է հայրենիք։
Գրիգորի Բաբայանը գլխավորել է Ղազախստանի «Տոբոլը»։ «Լվովը» երկրորդ հաղթանակն է տարել Եղիշե Մելիքյանի գլխավորությամբ։
ՀՖՖ-ի հետ համատեղ հատուկ ձեզ համար պատրաստել ենք ամանորյա մրցույթ, որին կարող եք մասնակցել՝ YouTube-ի մեկնաբանություններում պատասխանելով հետեւյալ հարցին․ «Նոր ղեկավարություն, նոր հույսեր. Ի՞նչ եք սպասում հայկական ֆուտբոլից 2020-ին»։ Վերջնաժամկետը դեկտեմբերի 28-ն է։ YouTube-ում ամենաշատ հավանում ստացած մեկնաբանության հեղինակը կստանա Հայաստանի հավաքականի հուդի։
Վերջում էլ ավանդական զվարճալի տեսաշար տարբեր երկրներից։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.