Յանա Եգորյան. Ցանկանում եմ 2 ոսկե մեդալ նվաճել Օլիմպիական խաղերում
22:48 24 դեկտեմբերի, 2019Օլիմպիական խաղերի, աշխարհի կրկնակի, Եվրոպայի վեցակի չեմպիոնուհի Յանա Եգորյանը խոսել է Տոկիոյում տեղի ունենալիք Օլիմպիական խաղերից իր սպասելիքների մասին:
«Եթե ես մասնակցեմ Օլիմպիական խաղերին, ապա ամեն ինչ կանեմ, որպեսզի 2 ոսկե մեդալ նվաճեմ: Հուսով եմ՝ առաջիկայում Օլիմպիական խաղերին Ռուսաստանի մասնակցության վերաբերյալ ամեն ինչ կկարգավորվի»,- Եգորյանի խոսքը փոխանցում է РИА Новости-ն:
Համաշխարհային հակադոպինգային գործակալությունը (WADA) Ռուսաստանին չորս տարով զրկել է միջազգային մրցումների (այդ թվում Օլիմպիական խաղերի եւ աշխարհի առաջնությունների) մասնակցելու իրավունքից:
Հիշեցնենք, որ 2016 թվականին տեղի ունեցած Օլիմպիական խաղերում Յանա Եգորյանը հաղթող էր ճանաչվել անհատական և թիմային պայքարում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։