Լոնդոնի «Չելսիի» և Ֆրանսիայի ազգային հավաքականի հարձակվող Օլիվյե Ժիրուն հայտարարել է, որ մոտ է լոնդոնյան ակումբից հեռանալուն:
«Առաջիկայում զրույց կունենամ «Չելսիի» գլխավոր մարզիչ Ֆրենկ Լեմպարդի հետ և որոշում կընդունեմ իմ ապագայի վերաբերյալ: Կարծում եմ՝ դժվար կլինի «Չելսիում» մնալը:
Իմ գլխավոր նպատակը Ֆրանսիայի ազգային հավաքականի կազմում ամռանը Եվրոպայի առաջնությանը մասնակցելն է: Ցանկանում եմ օգնել իմ թիմին դառնալ Եվրոպայի չեմպիոն»,- Ժիրուի խոսքը փոխանցում է Sky Sports-ը:
Ավելի վաղ 33-ամյա հարձակվողը հայտարարել էր, որ դժգոհ է «Չելսիում» ստացած իր խաղաժամանակից:
Ընթացիկ մրցաշրջանում Ժիրուն լոնդոնյան ակումբի կազմում մասնակցել է 6 հանդիպման և աչքի չի ընկել արդյունավետ գործողությամբ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։