Յունգբերգը կշարունակի աշխատանքն Արտետայի մարզչական շտաբում
00:22 24 դեկտեմբերի, 2019Լոնդոնի «Արսենալի» նորանշանակ գլխավոր մարզիչ Միկել Արտետան խոսել է լոնդոնյան ակումբի նախկին գլխավոր մարզիչ Ունաի Էմերիի օգնական, իսպանացի մարզիչի պաշտոնանկությունից հետո «Արսենալի» գլխավոր մարզիչի ժամանակավոր պաշտոնակատար Ֆրեդրիկ Յունգբերգի ապագայի մասին:
«Յունգբերգի հետ զրուցել եմ «Էվերտոնի» հետ հանդիպումից հետո: Ես ներկայացրեցի Յունգբերգին, թե ինչ ծրագրեր ունեմ ակումբի հետ կապված և մենք եկանք այն եզրակացությանը, որ Ֆրեդրիկի համար լավագույն տարբերակը կլինի «Արսենալում» մնալը:
Յունգբերգն ընդգրկված կլինի իմ մարզչական շտաբում: Նա լավ է ճանաչում «Արսենալի» խաղացողներին, և ես վստահ եմ, որ մեծ օգուտ կտա մեզ»,- Արտետայի խոսքը փոխանցում է լոնդոնյան ակումբի մամուլի ծառայությունը:
42-ամյա Ֆրեդրիկ Յունգբերգն «Արսենալում» աշխատանքը սկսել է 2018 թվականի հունիսին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։