Արմեն Մելիքբեկյանը 13 ձայնով ընտրվեց ՀՖՖ նախագահ
16:27 23 դեկտեմբերի, 2019ՀՖՖ գլխավոր քարտուղար Արմեն Մելիքբեկյանն ընտրվեց ՀՖՖ նախագահ։ Փակ գաղտնի քվեարկությունում Արմեն Մելիքբեկյանը ստացավ 13 ձայն։ Վանաձորի «Լոռի» ակումբի նախագահ Թովմաս Գրիգորյանը ստացավ 7 ձայն։ 3 քվեաթերթիկ համարվեց անվավեր։
«Շնորհակալ եմ բոլորին՝ իմ օգտին քվեարկածներին եւ չքվեարկածներին։ Այսօր հայկական ֆուտբոլում առաջին անգամ, շատ տարիներ անց կայացվել են մրցակցային ընտրությունները։ ՀՖՖ-ում բոլոր գործընթացները լինելու են թափանցիկ։ Կանենք առավելագույնը, որպեսզի արդարացնենք բոլորի սպասելիքները»,- նշեց Արմեն Մելիքբեկյանն ընտրվելուց հետո։
Արմեն Մելիքբեկյանի շնորհակալական խոսքի ընթացքում ՀՖՖ նախագահի պարտված թեկնածու Թովմաս Գրիգորյանը լքեց դահլիճը:
Ընդմիջումից հետո տեղի կունենա ՀՖՖ գործադիր կոմիտեի 16 անդամների ընտրությունները։ Առաջադրվել է 24 թեկնածու։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։