Հայաստանի հավաքականը նվաճել է 7 ոսկե, 2 արծաթե մեդալ
22:55 22 դեկտեմբերի, 2019Ռուսաստանի Պյատիգորսկ քաղաքում անցկացված բռնցքամարտի միջազգային երիտասարդական մրցաշարում գերազանց է հանդես եկել Հայաստանի հավաքականը, որը նվաճել է 7 ոսկե, 2 արծաթե մեդալ:
Մրցաշարի հաղթող են դարձել Ռուդոլֆ Գարբոյանը (49 կգ), Արթուր Սահակյանը (60 կգ), Ռուսլան Ասլիկյանը (56 կգ), Գուրգեն Կակոյանը (64 կգ), Արմեն Մանուկյանը (69 կգ), Էրիկ Աբելյանն (75 կգ) ու գերծանր քաշային Տիգրան Գեւորգյանը, հայտնում է ՀԲՖ-ի մամուլի ծառայությունը:
Երկրորդ տեղն են գրավել 49 կգ քաշային Հենրիկ Սահակյանն ու գերծանր քաշային Մկրտիչ Մանուկյանը:
Մրցաշարի լավագույն բռնցքամարտիկ է ճանաչվել Գուրգեն Կակոյանը: Ռուսլան Ասլիկյանին մրցանակ է շնորհվել լավագույն տեխնիկայի համար:
Հայ բռնցքամարտիկները հանդես են եկել երիտասարդական հավաքականի ավագ մարզիչ Կարեն Աղամալյանի ու մարզիչ Գարիկ Բաղդասարյանի գլխավորությամբ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։