Մադրիդի «Ռեալի» և Կոլումբիայի ազգային հավաքականի կիսապաշտպան Խամես Ռոդրիգեսը լիովին ապաքինվել է վնասվածքից և պատրաստ է խաղադաշտ դուրս գալ, տեղեկացնում է Marca-ն:
Կոլումբացի կիսապաշտպանը դեկտեմբերի 20-ին տեղի ունեցած մարզումն անցկացրել է «Ռեալի» ընդհանուր խմբում, և, ամենայն հավանականությամբ, կընդգրկվի «Աթլետիկ Բիլբաոյի» դեմ հանդիպման հայտացուցակում:
Հիշեցնենք, որ Խամես Ռոդրիգեսը վնասվածք էր ստացել նոյեմբերին՝ Կոլումբիայի հավաքականի կազմում անցկացրած մարզումներից մեկի ընթացքում:
Իսպանիայի ընթացիկ առաջնությունում կոլումբացի կիսապաշտպանը մասնակցել է 7 հանդիպման, խփել 1 գոլ, կատարել 1 գոլային փոխանցում։
Իսպանիայի առաջնության 18-րդ տուրի՝ «Ռեալ Մադրիդ» - «Աթլետիկ Բիլբաո» հանդիպումը տեղի կունենա դեկտեմբերի 22-ին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։