Toronto Sun. Կլոդ Նոել. Բոգոսյանը դեռ պատրաստ չէ
17:01 14 մարտի, 2012Վերջին շրջանում կանադական մամուլը հաճախ է անդրադառնում NHL-ի ծագող աստղ Զակ Բոգոսյանին։ «Վինիպեգ Ջեթսի» հայկական ծագում ունեցող հոկեյիստն ազդրի վնասվածքի պատճառով 10 օր է չի հայտնվում սառույցի վրա։
«Վինիպեգ Ջեթսի» գլխավոր մարզիչ Կլոդ Նոելը Toronto Sun-ին տված հարցազրույցում հայտարարել է, որ Զակ Բոգոսյանի մասնակցությունը հարցականի տակ է մարտի 14-ին կայանալիք «Դալաս Սթարսի» հետ հանդիպմանը։
«Նա կմարզվի թիմի հետ, սակայն սահադաշտ դուրս չի գա։ Զակի վնասվածքը դեռեւս զգալ է տալիս։ Եթե Բոգոսյանը մասնակցի խաղին, նրա վիճակն ավելի կբարդանա։ Ես ցանկանում եմ, որ նա վերականգնվի եւ կարողանա մասնակցել ամբողջ հանդիպմանը։ Վաղվա մարզումից հետո ես վերջնական որոշում կկայացնեմ»,- նշել է ակումբի գլխավոր մարզիչը։
Կլոդ Նոելը վստահ է, որ Բոգոսյանն արագ կվերականգնվի եւ կվերադառնա հիմնական կազմ։
«Գլխավորն այն է, որ Զակն արագ վերականգնվի։ Այսօր նա 30 րոպե մարզվելուց հետո վատ զգաց եւ ավարտեց մարզումը։ Ես չեմ կարող ռիսկի դիմել, քանի որ Զակը շատ կարեւոր խաղացող է թիմի համար»,- նշել է Կլոդ Նոելը։
Հիշեցնենք, որ Զակ Բոգոսյանը վնասվածքի պատճառով չի մասնակցել «Վինիպեգ Ջեթսի» նախորդ 10 հանդիպումներին։ NHL-ի ընթացիկ առաջնությունում Զակը մասնակցել է 54 խաղի՝ դառնալով երեք գոլի եւ 22 գոլային փոխանցման հեղինակ։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.