Պիստորիուսը ներողություն է խնդրել անհիմն մեղադրանքի համար

14:36   3 սեպտեմբերի, 2012

Հարավաֆրիկացի հաշմանդամ վազորդ Օսկար Պիստորիուսը ներողություն է խնդրել, որ Լոնդոնի 14-րդ Պարալիմպիկ խաղերի 200 մետր վազքի եզրափակիչից հետո բրազիլացի Ալան Օլիվեյրային մեղադրել է անազնիվ հաղթանակի մեջ։ Հարավաֆրիկացին հայտարարել էր, թե բրազիլացին հաղթել է երկարեցրած պրոթեզների շնորհիվ։

Միջազգային պարալիմպիկ կոմիտեի հատուկ հաձնաժողովը ստուգել է պրոթեզի երկարությունը եւ խախտում չի արձանագրել։ Դրանից հետո Պիստորիուսը ներողություն է խնդրել հապշտապ հայտարարության համար, հաղորդում է ВВС-ն։

Պիստորիուսը 2008թ. Պեկինի Պարալիմպիկ խաղերի 200 մետր վազքի հաղթողն է։ Նա մասնակցեց նաեւ Լոնդոնի 30-րդ Օլիմպիական խաղերին, սակայն հաջողություն չունեցավ։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։