Չինաստանի առաջնությունը ներկայացնող «Դալյան Իֆանի» գլխավոր մարզիչ Ռաֆայել Բենիտեսը հայտարարել է, որ առաջիկայում պատրաստվում է անգլիական ակումբ գլխավորել:
«Ես մի քանի առաջարկ եմ ստացել Պրեմյեր լիգան ներկայացնող ակումբներից, սակայն ինձ ժամանակ է հարկավոր բոլոր առաջարկներն ուսումնասիրելու և լավագույն ընտրությունը կատարելու համար:
Պրեմյեր լիգան աշխարհի ուժեղագույն մրցաշարերից մեկն է և ես ցանկանում եմ հնարավորինս շուտ աշխատանքի անցնել Անգլիայում»,- The Athletic-ի հաղորդմամբ՝ ասել է 59-ամյա մասնագետը:
Հիշեցնենք, որ Ռաֆայել Բենիտեսը 2004-2010 թվականներին գլխավորել է «Լիվերպուլը», 2012-2013 թվականներին՝ «Չելսին», իսկ 2016-2019 թվականներին՝ «Նյուքասլ Յունայթեդը»:
2019 թվականի հուլիսին Ռաֆայել Բենիտեսը պայմանագիր կնքեց «Դալյան Իֆանի» հետ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։