Նուրմագոմեդովը կարող է ներկա գտնվել Մաքգրեգորի հաջորդ մենամարտին
23:51 16 դեկտեմբերի, 2019Խառը մենամարտերի թեթև քաշային կարգի չեմպիոն, ռուսաստանցի Խաբիբ Նուրմագոմեդովը, հնարավոր է, ժամանի Լաս Վեգաս՝ հետևելու իռլանդացի Քոնոր Մաքգրեգորի և ամերիկացի Դոնալդ Սերոնեի մենամարտին, հայտարարել է UFC-ի նախագահ Դան Ուայթը:
«Խաբիբը ցանկանում է ներկա գտնվել այդ մենամարտին: Չեմ կարող պաշտոնապես հաստատել, սակայն մեծ է հավանականությունը, որ Խաբիբը կժամանի Լաս Վեգաս»,- Դան Ուայթի խոսքը փոխանցում է ESPN-ն:
Նշենք, որ Քոնոր Մաքգրեգորի և Դոնալդ Սերոնեի մենամարտը տեղի կունենա հունվարի 18-ին:
Քոնոր Մաքգրեգորն իր վերջին մենամարտն անցկացրել է 2018 թվականի հոկտեմբերին: 31-ամյա Մաքգրեգորը պարտություն էր կրել ռուսաստանցի Խաբիբ Նուրմագոմեդովի հետ մենամարտում:
Ավելի վաղ Մաքգրեգորը Խաբիբ Նուրմագոմեդովի հետ ռևանշ մենամարտ անցկացնելու ցանկություն էր հայտնել:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։