Անգլիական «Մանչեսթեր Յունայթեդի» ավագ Էշլի Յանգն ընթացիկ մրցաշրջանի ավարտից հետո կհեռանա մանչեսթերյան ակումբից, հայտնում է ESPN-ն:
«Մանչեսթեր Յունայթեդի» ղեկավարությունը որոշել է նոր պայմանագիր չառաջարկել 34-ամյա պաշտպանին, որի պայմանագիրն ակումբի հետ նախատեսված է մինչև 2020 թվականի հունիս:
Այսպիսով, անգլիացի պաշտպանը հունվարից կկարողանա բանակցություններ վարել այլ ակումբների ներկայացուցիչների հետ:
Էշլի Յանգը «Մանչեսթեր Յունայթեդում» հանդես է գալիս 2011 թվականից: Անգլիական ակումբի կազմում Յանգը մասնակցել է 258 հանդիպման՝ դառնալով 19 գոլի և 43 գոլային փոխանցման հեղինակ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։