Ֆրանսիայի չեմպիոն ՊՍԺ-ի և Ֆրանսիայի ազգային հավաքականի հարձակվող Կիլիան Մբապեն հերթական ռեկորդն է սահմանել Ֆրանսիայի առաջնությունում:
Ֆրանսիայի առաջնության 18-րդ տուրի՝ «Սենթ-Էթյենի» դեմ խաղում Մբապեն դուբլ գրանցեց՝ դառնալով Ֆրանսիայի առաջնության պատմության մեջ ամենաերիտասարդ ֆուտբոլիստը, որին հաջողվել է 70 գոլ խփել Ֆրանսիայի առաջնությունում:
ՊՍԺ-ի 20-ամյա հարձակվողն այս ցուցանիշով առաջ անցավ Բեռնար Լյակոմբայից, որը Ֆրանսիայի առաջնությունում 70 գոլի սահմանագծին հասել էր 22 տարեկանում:
Ընթացիկ մրցաշրջանում Մբապեն ՊՍԺ-ի կազմում մասնակցել է 17 հանդիպման՝ դառնալով 15 գոլի և 4 գոլային փոխանցման հեղինակ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։