«Ռայո Վալյեկանո» - «Ալբասետե» խաղն անավարտ է մնացել Զոզուլյայի հասցեին վիրավորական վանկարկումների պատճաոռվ

11:15   16 դեկտեմբերի, 2019

Իսպանական Սեգունդայի 20-րդ տուրի «Ռայո Վալյեկանո» - «Ալբասետե» հանդիպումը դադարեցվել էր եւ մնացել անավարտ հյուրերի ուկրաինացի Ռոման Զոզուլյայի հասցեին հնչած վիրավորական վանկարկումների պատճառով։

«Ռայո Վալյեկանոյի» ֆանատները իրենց սիրելի թիմի նախկին խաղացողին ընդունել են թշնամաբար՝ վանկարկելով «Զոզուլյան նացիստ է»։ Ընդմիջումից հետո թիմերը մոտ 40 րոպե դուրս չեն եկել խաղադաշտ։ Դրանից հետո մրցավարները որոշել են չշարունակել խաղը։

Իսպանական Լա Լիգան պաշտոնական հայտարարությամբ համաձայնություն է արտահայտել հանդիպման մրցավարների որոշման հետ, որը եղել է երկու թիմերի խնդրանքի արդյունքում։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։