Գվարդիոլա․ «Մանչեսթեր Յունայթեդի» հետ շատ ավելի լավ էինք խաղում, քան «Արսենալի» հետ

Անգլիայի չեմպիոն «Մանչեսթեր Սիթիի» կատալոնացի գլխավոր մարզիչ Խոսեպ Գվարդիոլան մեկնաբանել է 3։0 հաշվով հաղթանակը Լոնդոնի «Արսենալի» նկատմամբ Պրեմյեր լիգայի 17-րդ տուրում։

«Դե Բրույնեն անհավանական գոլեր է խփում։ Այս հաղթանակը շատ արժեքավոր է մեր թիմի համար՝ հաշվի առնելով անցած խաղում տեղի ունեցածը։

Մենք «Մանչեսթեր Յունայթեդի» հետ շատ ավելի լավ էինք խաղում, քան «Արսենալի» հետ։ Այնտեղ ավելի շատ պահեր ունեինք, քան «Արսենալի» դեմ։ Բայց «Մանչեսթեր Յունայթեդին» պարտվեցինք, իսկ «Արսենալին» հաղթեցինք։ Շարունակում ենք աշխատանքը»,- Գվարդիոլայի խոսքը մեջբերում է BBC-ն։

Հիշեցնենք, որ նախորդ տուրում «Մանչեսթեր Սիթին» տանը «Մանչեսթեր Յունայթեդին» պարտվել էր 1։2 հաշվով։

«Մանչեսթեր Սիթին» 35 միավորով երրորդ տեղում է եւ երկրորդ տեղում ընթացող «Լեսթեր Սիթիից» հետ է 4 միավոր։ Առաջատար «Լիվերպուլը» վաստակել է 49 միավոր։