Իսպանիայի հավաքականի եւ Մադրիդի «Աթլետիկոյի» հարձակվող Ալվարո Մորատան վստահ է, որ այս ամռանը «Բենֆիկայից» «Աթլետիկո» տեղափոխված պորտուգալացի հարձակվող Ժոաու Ֆելիշը կլինի աշխարհի լավագույն ֆուտբոլիստներից մեկը։
«Ֆելիշը գերազանց խաղացող է։ Նա երիտասարդ է, կենտրոնացած եւ տարված ֆուտբոլով։ Նա գիտակցում է ամբողջ պատասխանատվությունը։ Չնայած լուրջ ճնշմանը, նա կդառնա լավագույններից մեկն աշխարհում, եթե շարունակի նույն համառությամբ մարզվել։ Վստահ եմ, որ Ֆելիշը կլինի աշխարհի լավագույն ֆուտբոլիստների մեկը»,- Մորատայի խոսքը մեջբերում է Marca-ն։
Իսպանիայի ընթացիկ առաջնությունում 20-ամյա պորտուգալացի ֆուտբոլիստը մասնակցել է 13 հանդիպման, խփել 2 գոլ, կատարել 1 գոլային փոխանցում։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։