Եվրոպայի լիգա․ 1/16 եզրափակիչի մասնակիցները

Հայտնի են ֆուտբոլի Եվրոպայի լիգայի 1/16 եզրափակիչի բոլոր մասնակիցները։

Առաջին զամբյուղ․ «Սեւիլիա» (Իսպանիա), «Մալմյո» (Շվեդիա), «Բազել» (Շվեյցարիա), ԼԱՍԿ (Ավստրիա), «Սելթիկ» (Շոտլանդիա), «Արսենալ» (Անգլիա), «Պորտու» (Պորտուգալիա), «Էսպանյոլ» (Իսպանիա), «Գենտ» (Բելգիա), «Իստանբուլ Բաշաքշեհիր» (Թուրքիա), «Բրագա» (Պորտուգալիա), «Մանչեսթեր Յունայթեդ» (Անգլիա), «Այաքս» (Հոլանդիա), «Զալցբուրգ» (Ավստրիա), «Ինտեր» (Իտալիա), «Բենֆիկա» (Պորտուգալիա)։

Երկրորդ զամբյուղ․ ԱՊՕԵԼ (Կիպրոս), «Կոպենհագեն» (Դանիա), «Խետաֆե» (Իսպանիա), «Սպորտինգ» (Պորտուգալիա), «Կլուժ» (Ռումինիա), «Այնտրախտ Ֆրանկֆուրտ» (Գերմանիա), «Գլազգո Ռեյնջերս» (Շոտլանդիա), «Լուդոգորեց» (Բուլղարիա), «Վոլֆսբուրգ» (Գերմանիա), «Ռոմա» (Իտալիա), «Վուլվերհեմփթոն» (Անգլիա), «ԱԶ Ալկմար» (Հոլանդիա), «Շախտյոր Դոնեցկ» (Ուկրաինա), «Բայեր» (Գերմանիա), «Օլիմպիակոս» (Հունաստան), «Բրյուգե» (Բելգիա)։

Վիճակահանությունը տեղի կունենա դեկտեմբերի 16-ին։

1/16 եզրափակիչում չեն կարող հանդիպել նույն առաջնությունը ներկայացնող կամ խմբային փուլի նույն խմբում հանդես եկած թիմերը։ Երկրորդ զամբյուղի թիմերը առաջին հանդիպումները կանցկացնեն տանը փետրվարի 20-ին։ Պատասխան հանդիպումները տեղի կունենան փետրվարի 27-ին։