Մադրիդի «Ռեալի» կենտրոնական պաշտպան Դանիել Կարվախալը խոսել է Իսպանիայի առաջնության 10-րդ տուրի՝ «Բարսելոնայի» դեմ խաղից սպասելիքների մասին:
«Մեր թիմի ֆուտբոլիստները վստահ են, որ անվտանգության համար մտահոգվելու որևէ պատճառ չկա: Մենք շատ հանգիստ ենք մոտենում «Բարսելոնայի» դեմ խաղին:
Ցանկանում եմ հաղթել «Կամպ Նոու» ստադիոնում» և ամեն ինչ կանեմ դրա համար:
Ես լավ եմ ճանաչում հանդիպման գլխավոր մրցավար Էրնանդես Էրնանդեսին և հուսով եմ, որ մենք նրա աշխատանքից դժգոհելու պատճառներ չենք ունենա»,- իսպանացի պաշտպանի խոսքը մեջբերում է Marca-ն:
Հիշեցնենք, որ «Բարսելոնա» - «Ռեալ Մադրիդ» հանդիպումը տեղի կունենա դեկտեմբերի 18-ին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։