Ֆորմուլա-1․ Հեմիլթոնը՝ տարվա լավագույն մրցարշավորդ

Ֆորմուլա-1-ի թիմերի ղեկավարների քվեարկության արդյունքում, տարվա լավագույն մրցարշավորդ է ճանաչվել «Մերսեդեսի» ներկայացուցիչ, բրիտանացի  Լյուիս Հեմիլթոնը, որը 6-րդ անգամ նվաճեց չեմպիոնի տիտղոսը։

Քվեարկությունում երկրորդ տեղն է գրավել «Ռեդ Բուլի» մրցարշավորդ Մաքս Ֆերստապենը, երրորդը «Ֆերարիի» ներկայացուցիչ Շառլ Լեկլերն է, հայտնում է Ֆորմուլա-1-ի պաշտոնական կայքը։

Գաղտնի քվեարկությունում յուրաքանչյուր ղեկավար ներկայացրել է տասնյակի իր տարբերակը։ Միավորների հաշվարկը եղել է Ֆորմուլա-1-ում գործող համակարգով։ Առաջին տեղի համար տրվում է 25 միավոր, 10-րդ տեղի համար՝ 1 միավոր։

1. Լյուիս Հեմիլթոն («Մերսեդես»)՝ 169 միավոր
2. Մաքս Ֆերստապեն («Ռեդ Բուլ»)՝ 146
3. Շառլ Լեկլեր («Ֆերարի»)՝ 124
4. Վալտերի Բոտաս («Մերսեդես»)՝ 68
5. Սեբաստիան Ֆետել («Ֆերարի»)՝ 58
6. Ալեքս Ալբոն («Տորո Ռոսո»/«Ռեդ Բուլ»)՝ 57
7. Կարլոս Սայնս կրտսեր («Մաքլարեն»)՝ 55
8. Դանիել Ռիկարդո («Ռենո»)՝ 49
9. Ջորջ Ռասել («Ուիլյամս»)՝ 41
10. Լանդո Նորիս («Մաքլարեն»)՝ 38