Ֆինլանդիայում ձերբակալված ՖԱՖ-ի անդամ Երվանդ Իսմաիլյանն արդարացվել է և կվերադառնա Հայաստան

Ֆինլանդիայի Տուրկու քաղաքում բանտարկված ֆուտբոլի Հայաստանի ազգային հավաքականի երկրպագու Երվանդ Իսմաիլյանն առաջիկա օրերի ընթացքում կվերադառնա Հայաստան, տեղեկացնում է ՖԱՖ-ի Ֆեյսբուքի պաշտոնական էջը:

Տուրկուում տեղի ունեցած դատական նիստում Երվան Իսմաիլյանն արդարացվել է և 1-2 օրվա ընթացքում կվերադառնա Հայաստան:

Հիշեցնենք, որ ազգային հավաքականի երկրպագուն ձերբակալվել էր հոկտեմբերի 15-ին Ֆինլանդիայի Տուրկու քաղաքում անցկացված Եվրո-2020-ի ընտրական փուլի J խմբի 8-րդ տուրի Ֆինլանդիա-Հայաստան հանդիպման ժամանակ: Պատճառը երկու երկրների երկրպագուների միջեւ ծագած վեճն է եղել, որը ցրելու նպատակով Երվանդը ճայտրուկ է վառել եւ պատահաբար վնասել մրցակցի երկրպագուներից մեկին: Դեպքը տեղի է ունեցել Տուրկու քաղաքի «Վերիտաս» ստադիոնում, որտեղ էլ ընթանում էր խաղը: Տուժողը խաղից հետո ոստիկանությունում բողոք է ներկայացրել հայ երկրպագուի դեմ: Երվանդ Իսմաիլյանը գտնվում է Տուրկուի բանտում: