«Արսենալն» ու «Էվերտոնը» հետաքրքրված են Անչելոտիի ծառայություններով

Լոնդոնի «Արսենալն» ու Լիվերպուլի «Էվերտոնը» հետաքրքրված են իտալական «Նապոլիի» գլխավոր մարզիչի պաշտոնից հեռացված Կարլո Անչելոտիի ծառայություններով, հաղորդում է Sky Sports-ը։

Իսպանացի Ունաի Էմերիի պաշտոնանկությունից հետո «Արսենալի» գլխավոր մարզիչի ժամանակավոր պաշտոնակատարն է շվեդ Ֆրեդի Յունգբերգը։ «Էվերտոնը» Անգլիայի առաջնությունում «Լիվերպուլին» 2։5 հաշվով պարտվելուց հետո գլխավոր մարզիչի պաշտոնից հեռացրեց պորտուգալացի Մարկու Սիլվային։ Այժմ ժամանակավոր պաշտոնակատարն է շոտլանդացի Դանքան Ֆերգյուսոնը։

Անչելոտին «Նապոլին» գլխավորել էր 2018թ․ մայիսին։ Պայմանագիրը նախատեսված էր մինչեւ 2021 թվականը։ Սպասվում է, որ «Նապոլիի» գլխավոր մարզիչ կնշանակվի «Միլանի» նախկին գլխավոր մարզիչ, իտալացի Ջենարո Գատուզոն։