Լոնդոնի «Տոտենհեմի» պորտուգալացի գլխավոր մարզիչ Ժոզե Մոուրինյոն պատմել է, որ իր ղեկավարած թիմի ֆուտբոլիստներին արգելել է որեւէ դրվագ դիտել Չեմպիոնների լիգայի ընթացիկ մրցաշրջանում «Բավարիայից» 2։7 հաշվով տանուլ տված հանդիպումից։
«Մի քանի անգամ դիտել եմ «Տոտենհեմ» - «Բավարիա» խաղի տեսագրությունը։ Իմ շտաբն ու վերլուծաբանները ուսումնասիրել են այդ խաղի բոլոր դրվագները, բայց ֆուտբոլիստներին արգելված է դիտել որեւէ կադր։ Մենք պատրաստվում ենք կենտրոնանալ մեր խաղի վրա եւ չմտածել մրցակցի մասին»,- Մոուրինյոյի խոսքը մեջբերում է Goal.com-ը։
Չեմպիոնների լիգայի խմբային մրցաշարի «Բավարիա» - «Տոտենհեմ» հանդիպումը տեղի կունենա դեկտեմբերի 11-ին։ Երկու թիմերն էլ ապահովել են 1/8 եզրափակիչ ուղեգրեր։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։