Կատալոնիայի ոստիկանությունը վստահ է, որ իր ուժերով չի կարողանա Բարսելոնայում ապահովել անվտանգություն Իսպանիայի առաջնության 10-րդ տուրից տեղափոխված «Բարսելոնա» - «Ռեալ» հանդիպման օրը՝ դեկտեմբերի 18-ին, հաղորդում է La Sexta-ն։
Ոստիկանությունից հայտնել են, որ չեն կարող երաշխավորել «Ռեալի» ավտոբուսի անվտանգ ընթացքը Բարսելոնայում, քանի որ չունեն այդքան աշխատակից։ Այդ օրը Կատալոնիայի մայրաքաղաքում սպասվում են բողոքի ցույցեր։
Հիշեցնենք, որ «Բարսելոնա» - «Ռեալ» հանդիպումը պետք է տեղի ունենար հոկտեմբերի 26-ին, սակայն տեղափոխվեց բողոքի ցույցերի պատճառով։
Իսպանիայի Գերագույն դատարանը հոկտեմբերին մեղադրական դատավճիռ էր կայացրել 2017-ին տեղի ունեցած Կատալոնիայի անկախության հանրաքվեի հետ առնչություն ունեցող 9 կատալոնացի պաշտոնյաների նկատմամբ։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։