Լոնդոնի «Չելսիի» ռուսաստանցի սեփականատեր Ռոման Աբրամովիչը հրաժարվել է անգլիական ակումբը վաճառել ամերիկացի ներդրող, բեյսբոլի «Լոս Անջելես Դոջերս» ակումբի համասեփականատեր Թոդ Բոելիին, հաղորդում է The Wall Street Journal-ը։
Աբրամովիչին չի բավարարել մոտ 3 միլիարդ եվրոյի առաջարկը։ Բանակցությունները կարող են վերսկսվել ավելի խոշոր առաջարկի դեպքում։
Ռոման Աբրամովիչը «Չելսին» գնել է 2003 թվականին 150 միլիոն եվրոյով։ Դրանից հետո թիմը 5 անգամ դարձել է Անգլիայի չեմպիոն, 5 անգամ նվաճել է Անգլիայի գավաթը, 2 անգամ՝ Անգլիայի սուպերգավաթը։ «Չելսին» նվաճել է նաեւ Չեմպիոնների լիգայի գավաթը։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։