Վարազդատ Հարոյան․ Մենք ֆուտբոլային ազգ ենք, մեզ պետք են նոր հաղթանակներ (ֆոտո)
14:14 10 դեկտեմբերի, 2019Ֆուտբոլի Հայաստանի ազգային ազգային հավաքականի եւ Եկատերինբուրգի «Ուրալի» պաշտպան Վարազդատ Հարոյանը NEWS.am Sport-ի թղթակցի հետ զրույցում ամփոփել է ազգային թիմի մրցելույթները, խոսել Հայաստանի ֆուտբոլի ֆեդերացիայի նախագահի առաջիկա ընտրության մասին, որը տեղի կունենա դեկտեմբերի 23-ին։
Ռուսաստանի ընթացիկ առաջնության 17 խաղում 27-ամյա ֆուտբոլիստը խփել է մեկ գոլ, կատարել նույնքան գոլային փոխանցում։
Ակումբային գործեր
Լավ տարի անցկացրեցի «Ուրալում»։ Վերջին խաղում հաղթեցինք «Կռիլյա Սովետովին», բարելավեցինք մեր դիրքը մրցաշարային աղյուսակում։ Ուրախ եմ, որ կարողացա դառնալ գոլային փոխանցման հեղինա։ Ընդհանուր առմամբ՝ գոհ եմ»։
Ազգային հավաքականի մասին
Այս ընտրական փուլը շատ բարդ դասավորվեց մեր թիմի համար։ Վատ սկսեցինք, հետո մի քանի հաղթանակներ տարանք, ունեինք խմբից դուրս գալու հնարավորություն։ Եղան տպավորիչ հաղթանակներ եւ ցավալի պարտություններ։
Իտալացիներից 1։9 հաշվով պարտության մասին նույնիսկ խոսել չեմ ցանկանում։ Շատ բարդ կլինի մոռանալ այդ խաղը։ Մեկ բան է պարտվել ակումբային մակարդակում, բացարձակ այլ է այդպիսի պարտություն կրել հավաքականի հետ։
Հույս ունեմ, որ հաջորդ ընտրական շրջափուլին ավելի լավ կպատրաստվենք։ Մենք ֆուտբոլային ազգ ենք, մեզ պետք են նոր հաղթանակներ։
ՀՖՖ նախագահի ընտրության մասին
Շատ կարեւոր է ընդունել ճիշտ որոշում։ Առաջիկա ընտրությունները շատ կարեւոր նշանակություն կունենան հայկական ֆուտբոլի հետագա զարգացման համար։ Հույս ունեմ, որ կլինի ճիշտ որոշում եւ հաջորդ տարվանից մեր ֆուտբոլը կբարգավաճի։
Սամվել Սուքիասյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.