Իտալական «Ինտեր Միլան» ֆուտբոլային ակումբի նախկին նախագահ Մասիմո Մորատին հայտարարել է, որ «Ինտերը» նախագահելու տարիներին փորձել է ամեն գնով պայմանագիր կնքել կատալոնական «Բարսելոնայի» նախկին կիսապաշտպան Անդրես Ինիեստայի հետ:
«Ինիեստային ձեռք բերելու նպատակով մի քանի անգամ բանակցել եմ «Բարսելոնայի» հետ, սակայն միշտ մերժում եմ ստացել ակումբի ղեկավարությունից:
Ես հիանում էի Ինիեստայի խաղով և շատ էի ցանկանում նրան տեսնել «Ինտերում»: Նա իմ տեսած ամենատաղանդավոր ֆուտբոլիստն է»,- Մորատիի խոսքը փոխանցում է todomercadoweb.es-ը:
Անդրես Ինիեստան «Բարսելոնայի» ակումբային ակադեմիայի՝ Լա Մասիայի սան է: Կատալոնական ակումբի առաջին թիմի կազմում Ինիեստան խաղացել է 2002-2018 թվականներին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։