Իտալական «Բոլոնիայի» տնօրեն Ռիկարդո Բիգոնը հայտարարել է, որ ակումբը բանակցություններ է վարել շվեդ հարձակվող Զլատան Իբրահիմովիչի հետ և սպասում է 38-ամյա ֆուտբոլիստի պատասխանին:
«Մենք բանակցել ենք Իբրահիմովիչի հետ և քննարկել ենք հնարավոր տեղափոխության բոլոր մանրամասները: Նա ասաց, որ որոշում կընդունի դեկտեմբերին: Այժմ մենք սպասում ենք նրա պատասխանին»,- Բիգոնի խոսքը փոխանցում է Sky Sport Italia-ն:
Նշենք, որ Զլատան Իբրահիմովիչի տեղափոխությամբ հետաքրքրված է նաև շվեդ հարձակվողի նախկին ակումբը՝ «Միլանը»:
2020թ․ հունվարի 1-ին Իբրահիմովիչը կստանա ազատ գործակալի կարգավիճակ։ Նա հայտարարել էր, որ Միլանն իր երկրորդ տունն է։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։