7 ֆուտբոլիստ հեռացել է «Ալաշկերտից»
17:44 9 դեկտեմբերի, 2019Հայաստանի առաջնության Բարձրագույն խումբը ներկայացնող «Ալաշկերտը» երկկողմանի համաձայնությամբ խզել է պայմանագրերը 7 ֆուտբոլիստի հետ, տեղեկացնում է ակումբի մամուլի ծառայությունը:
«Ալաշկերտից» հեռացել են Արթուր Եդիգարյանը, Գեղամ Ղադիմյանը, Դավիթ Ղանդիլյանը, Միհրան Մանասյանը, Ղուկաս Պողոսյանը, Մլադեն Զելկովիչը և Սարգիս Շահինյանը:
Երկկողմանի համաձայնությամբ խզվել են նաև աշխատանքային պայմանագրերը բժիշկ Վաղարշակ Հովհաննիսյանի և մերսող Սամվել Հովհաննիսյանի հետ:
«Ալաշկերտ» ֆուտբոլային ակումբը շնորհակալություն է հայտնել ֆուտբոլիստներին և բժշկական անձնակազմի ներկայացուցիչներին` կատարած աշխատանքի համար, և հաջողություն մաղթել իրենց հետագա կարիերայում:
Սպասվում է, որ «Ալաշկերտում» մոտ ապագայում կլինեն նոր հեռացողներ և համալրումներ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։