Դորտմունդի «Բորուսիան» մտադրություն չունի վաճառել Ջեյդոն Սանչոյին

13:12   9 դեկտեմբերի, 2019

Դորտմունդի «Բորուսիայի» մարզական տնօրեն Միխայել Ցորկը մեկնաբանել է լուրերը, թե Անգլիայի հավաքականի 19-ամյա կիսապաշտպան Ջեյդոն Սանչոն առաջիկայում հեռանալու է գերմանական թիմից։

«Մենք մեր ծրագրերում չենք նախատեսում Ջեյդոն Սանչոյի հեռանալը։ Նա մեր թիմի համար ֆունդամենտալ խաղացող է, եւ ես չունեմ սցենար, որով նա հեռանում է»,- Ցորկի խոսքը մեջբերում է Manchester Evening News-ը։

Ջեյդոն Սանչոյի ծառայություններով հետաքրքրված են «Մանչեսթեր Յունայթեդն» ու «Ռեալը»։ Ոչ պաշտոնական տվյալներով մանչեսթերյան ակումբը նրա համար առաջարկել է 119 միլիոն ֆունտ ստերլինգ։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։