Լոնդոնում շարունակվող Grand Chess Tour-ի եզրափակիչ փուլում հայկական շախմատի առաջատար Լևոն Արոնյանը երրորդ տեղի համար մրցում է աշխարհի չեմպիոն, նորվեգացի Մագնուս Կարլսենի հետ:
Դեկտեմբերի 8-ին գրոսմայստերներն անցկացնում են արագ եւ կայծակնային խաղի պարտիաները։
Արագ խաղի առաջին պարտիայում Լեւոն Արոնյանը սպիտակներով առավելության հասավ 41-րդ քայլում։
Հիշեցնենք, որ երկու դասական պարտիաներում Լեւոն Արոնյանը առաջինում պարտվել էր, երկրորդում ոչ ոքի խաղացել։
Դեկտեմբերի 8-ին Արոնյանը Կարլսենի հետ կանցկացնի արագ խաղի եւս մեկ և կայծակնային խաղի չորս պարտիա:
Grand Chess Tour-ի հաղթողի կոչման համար մրցում են չինացի Դին Լիրենն ու ֆրանսիացի Մաքսիմ Վաշյե-Լագրավը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։