«Բարսելոնայի» դարպասապահը երկրորդ գոլային փոխանցումն է կատարել ընթացիկ մրցաշրջանում

Իսպանիայի չեմպիոն «Բարսելոնան» Լա Լիգայի 16-րդ տուրում մրցում է «Մալյորկայի» հետ: Հանդիպման առաջին խաղակեսի 10-րդ րոպեի դրությամբ Էռնեստո Վալվերդեի գլխավորած թիմը հաղթում է նվազագույն՝ 1:0 հաշվով:

«Բարսելոնայի» կազմից գոլի հեղինակ է դարձել ֆրանսիացի հարձակվող Անտուան Գրիզմանը: Գոլային փոխանցման հեղինակ դարձել է «Բարսելոնայի» գերմանացի դարպասապահ Մարկ-Անդրե տեր Շտեգենը:

Իսպանիայի ընթացիկ առաջնությունում տեր Շտեգենն արդեն 2 գոլային փոխանցման հեղինակ է դարձել:

Առաջին անգամ 27-ամյա դարպասապահը գոլային փոխանցման հեղինակ դարձել է Լա Լիգայի 7-րդ տուրի՝ «Խետաֆեի» դեմ խաղում: Տեր Շտեգենի փոխանցումից հետո գոլի հեղինակ էր դարձել ուրուգվայցի հարձակվող Լուիս Սուարեսը: