«Ռեալը» հարձակվողների փոխանակության գործարք կառաջարկի «Արսենալին»
17:00 7 դեկտեմբերի, 2019Մադրիդի «Ռեալը» ձմեռային տրանսֆերային պատուհանի ընթացքում ցանկանում է պայմանագիր կնքել Լոնդոնի «Արսենալի» և Գաբոնի ազգային հավաքականի հարձակվող Պյեր-Էմերիկ Օբամեյանգի հետ, տեղեկացնում է The Mirror-ը:
Աղբյուրի հաղորդմամբ՝ «Ռեալի» ղեկավարությունն Օբամեյանգի տեղափոխության դիմաց «Արսենալին» կառաջարկի թիմի սերբ հարձակվող Լուկա Յովիչի տրանսֆերային իրավունքը:
«Արսենալը» պատրաստ է ընդունել «Ռեալի» առաջարկը, քանի որ լոնդոնյան ակումբի ղեկավարությունը չի կարողացել նոր պայմանագրի վերաբերյալ համաձայնության գալ Օբամեյանգի հետ:
Նշենք, որ Լուկա Յովիչն ընթացիկ մրցաշրջանում «Ռեալի» կազմում մասնակցել է 11 հանդիպման՝ դառնալով 1 գոլի հեղինակ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։