Կատալոնական «Բարսելոնայի» ղեկավարությունը ցանկանում է առաջիկա տրանսֆերային պատուհանի ընթացքում կրճատել առաջին թիմի ֆուտբոլիստների թիվը, տեղեկացնում է AS-ը:
Ձմեռային տրանսֆերային պատուհանի ընթացքում Իսպանիայի չեմպիոնը կփորձի վարձակալության հանձնել թիմի 21-ամյա իսպանացի կիսապաշտպան Կառլոս Ալենիային և 19-ամյա ֆրանսիացի պաշտպան Ժան-Կլար Տոդիբոյին:
«Բարսելոնան» հունվարին տրանսֆերի կհանի նաև խորվաթ կիսապաշտպան Իվան Ռակիտիչին, որն ավելի վաղ հայտարարել էր «Սևիլիա» վերադառնալու ցանկության մասին:
Ավելի վաղ հայտնի էր դարձել, որ «Բարսելոնայի» մեկ այլ կիսապաշտպանի՝ Արտուրո Վիդալի ծառայություններով լրջորեն հետաքրքրված են Միլանի «Ինտերն» ու անգլիական «Մանչեսթեր Յունայթեդը»:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։