UFC-ի նախագահը միայն 1 դեպքում է հնարավոր համարել Նուրմագոմեդով - Մաքգրեգոր ռևանշի անցկացումը
23:10 6 դեկտեմբերի, 2019UFC-ի նախագահ Դեն Ուայթը հայտարարել է, որ տեսականորեն հնարավոր է համարում խառը մենամարտերի թեթև քաշային կարգի չեմպիոն, ռուսաստանցի Խաբիբ Նուրմագոմեդովի և իռլանդացի մարզիկ Քոնոր Մաքգրեգորի միջև ռևանշ մենամարտի անցկացումը:
«Մաքգրեգորը ցանկանում է կրկին մենամարտել Խաբիբի հետ, և դա գաղտնիք չէ: Կարծում եմ՝ այդ մենամարտը հնարավոր է միայն այն դեպքում, երբ Քոնորն առաջիկա մենամարտում հաղթանակի հասնի Դոնալդ Սերոնեի նկատմամբ»,- Դեն Ուայթի խոսքը փոխանցում է BJPenn.com-ը:
Ավելի վաղ տեղեկացրել էինք, որ Քոնոր Մաքգրեգորը հաջորդ տարվա հունվարի 18-ին Լաս Վեգասում կմենամարտի ամերիկացի Դոնալդ Սերոնեի հետ:
Քոնոր Մաքգրեգորն իր վերջին մենամարտն անցկացրել է 2018 թվականի հոկտեմբերին: 31-ամյա Մաքգրեգորը պարտություն էր կրել ռուսաստանցի Խաբիբ Նուրմագոմեդովի հետ մենամարտում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։